Centro Don Bosco

Presentación

O Centro Xuvenil Don Bosco ubícase no Barrio de San Pedro prácticamente dentro do casco histórico de Santiago de Compostela. Barrio de paso dos peregrinos que chegan a Compostela, nestes momentos é un barrio con moita poboación maior e con crecente poboación inmigrante e doutras culturas. Ten un carácter específico dentro da cidade: núcleo de referencias artísticas para mozos e mozas que se moven no mundo da interpretación e do espectáculo. Caracterízase tamén polas dificultades de movilidade (tráfico e piatóns) e pola escasez de instalacións de esparcemento e deportivas (algo que convirte ó centro xuvenil nun elemento de gran valor para o barrio e a cidade). Temos que apuntar que o Centro Xuvenil é unha referente na cidade e no barrio en canto ao tempo libre e a mocidade. Neste sentido participa do movemento veciñal e asociativo no que se require a presenza xuvenil. Con esta realidade descrita de forma moi resumida o Centro Xuvenil Don Bosco promove unha serie de programas, proxectos e actividades que destacan polas seguintes características e finalidades que ademais responden os seus estatutos:    Hai unha aposta por actividades educativas de tempo libre. Son proxectos e actividades que promoven o protagonismo xuvenil na súa programación e implementación. Son proxectos e actividades que teñen un compoñente de prevención xuvenil, desenvolvidas en espazos saudables, libres de tabaco e alcol. Son ofertas abertas á cidade e de fácil acceso economicamente falando, moitas delas son totalmente gratuítas. Defenden un compoñente transversal de promoción da cultura e da lingua galegas. Os apoios documentais e publicitarios das diferentes accións son de obrigada esixencia en galego. Promoven o voluntariado e o asociacionismo xuvenil de diferente calado no seu compromiso e no seu proceso persoal. Hai unha aposta expresa pola integración de poboación en risco ou poboación estranxeira. Nestes momentos hai unha presenza destacada de latinoamericanos. Tamén a integración de persoas con algunha discapacidade. Promoven a formación dos monitores e colaboradores das actividades (titulacións oficiais de tempo libre, en recursos de tempo libre e en aspectos do ser voluntario). Xunto co aspecto formativo está a promoción da interrelación, intercambio e convivencia xuvenil como elemento socializador e de enriquecemento persoal dos mozos e mozas.