Cales son as Entidades do Centro?

As 4 entidades do centro que propoñen un programa de actividades continuado ao longo de todo o curso escolar e que conforman a nosa propia oferta de tempo libre educativo son:

• Máis Que Apoio Escolar
• Espazo Lúdico Papaventos
• CD Bosco
• Grupo Scout Khanhiwara

 Quen son os socios e socias do centro?

Todos os participantes activos durante o curso escolar en calquera destas actividades serán considerados socios e socias do Centro Don Bosco e terán pleno acceso a participar en todas as actividades de carácter xeral organizadas no centro (Magosto, Festas de María Auxiliadora, Día de Don Bosco,...). Ademais, durante os periodos vacacionais (Nadal, Entroido, Semana Santa e Verán) poderán disfrutar de descontos nas actividades de conciliación e terán prioridade á hora de obter as prazas.

Un adulto pode ser socio?

 Non temos a consideración de socio para as persoas adultas pero si existen moitas formas nas que podes participar e colaborar:

• Podes colaborar como voluntario/a nas diferentes actividades e campañas realizadas ao longo do ano.
• Participa nas actividades para adultos
• Podes realizar aportacións para as diferentes campañas solidarias: Campaña Solidaria Operación Quilo, Proxecto Suriya, Carreira Solidaria,...