No Centro Don Bosco realizase o programa  de apoio escolar destinado a escolares de Primaria, ESO e Ensino postobrigatorio. O programa, que funcionará de 16.30 a 20.00, de luns a venres inclúe:

Sesións de Reforzo Escolar nas disitintas áreas académicas en grupos reducidos e homoxéneos, cun máximo de 6 persoas, con personal titulado en pedagoxía ou psicopedagoxía. Todos os días de luns a venres de 16.30 a 20.00. Programas de 2, 3, 4 ou 5 horas semanais.

Espazo aberto de aprendizaxe e estudo asistido con monitores pensado para estudo persoal e realización de tarefas escolares, con material de consulta: libros e posibilidade de busca en Internet. Todos os días de luns a venres de 17.00 a 20.00. Programas de 5 horas semanais.

Curso de Técnicas de Estudo, para un máximo de 10 alumnos de ESO por grupo,  pensado para que desenvolvan a súa propia estratexia de estudo tras coñecer e traballar diversas metodoloxías. O horario establecerase en función da demanda.

Programa de Necesidades Específicas de Apoio Educativo, dirixido especialmente a rapaces e rapazas con dificultades na aprendizaxe, en sesións individuais ou de grupos  moi reducidos, cun máximo de 3 participantes e con personal titulado en pedagoxía ou psicopedagoxía.  O horario establecerase en función da demanda.

Actividades en lingua estranxeira para todalas idades. Obradoiros en inglés para os maís pequenos e grupos de conversas en inglés para adolescentes e adultos.

Programa de Asesoramento Familiar para pais,nais ou titores co obxectivo de reforzar e mellorar o seu  papel no proceso de aprendizaxe dos nenos e nenas.  O horario establecerase en función da demanda.

Os programas pódense coller xuntos ou por separado. O prezo se establece en función dos programas elixidos, segundo a táboa que está a continuación:

*Non inclúe os gastos de materiais para a realización dos obradoiros

De forma complementaria e gratuíta para os inscritos no programa ofrécese:

• Servizo de orientación académica-profesional, con atención a consultas individuais.
• Posibilidade de uso de aula para traballos en grupo, previa reserva.

A inscripción no programa tamén se poderá realizar on-line no seguinte enlace: Formulario Inscrición

Para máis información e para inscribirse, a responsable do programa atenderá persoalmente nas oficininas do centro Don Bosco polas tardes de martes a venres de 16.30 a 20 horas.