O proxecto titulado Communication Skills and Training da asociación Hang-Kép centrouse fundamentalmente no traballo con elementos audiovisuais tales como fotografías e vídeo. Ao longo do meu ano como voluntaria, realicei a documentación fotográfica de diversos eventos culturais na cidade de Debrecen e dos campamentos e youth exchanges organizados pola mi ña asociación. Ademais de sacar as fotos, realicei a súa edición en Adobe Photoshop e posterior subida á páxina de Facebook de Hang-Kép acompañadas por un texto resumo do evento en inglés.
No último mes da estadía gravei e editei un vídeo promocional sobre un short-term EVS en Hortobágy (parque nacional situado a uns 40 quilómetros de Debrecen) xestionado pola miña organización de recibimento. En decembro, encargueime de cubrir con fotos e texto o evento internaiconal Towards Collaborative Practice (TCP) Hungary 2018 xunto cunha compañeira de Hang-Kép gracias á Axencia Nacional Húngara. Ademais, encargueime de “dirixir” os comezos dun proxecto de vídeos para Youtube nos que se presenta a cidade para os estranxeiros que veñan traballar e/ou estudar e fun a encargada da xestión do material fotográfico e de vídeo cando os responsables da asociación non estaban por diversos motivos.
Conectadas coa miña labor de voluntaria estiveron tamén as charlas que dei sobre Galicia, a súa gastronomía e a súa cultura, xa me que me parece fundamental explicar máis alá das fronteiras o diferentes que poden ser as comunidades autónomas españolas e o que nos fai especiais.
Pararela á realización das actividades que formaban parte do meu proxecto, coordinei xunto con outra voluntaria española o Clube de Conversación de Español no American Corner de Debrecen dende decembro de 2018 ate o final do voluntariado.
LUGAR DE REALIZACIÓN: Debrecen (Hungría)
DATA DE REALIZACIÓN: 01/06/2018 - 31/05/2019
VOLUNTARIA: Paula Quintás
